|
I MUNDIAI DI NEGARSa giüga stasìa: Italia-Cameróne da tri dì sa parla dumá da sti negrón. Han metü in sül giurnál dun me amisi (mìa da có e longhi barbìsi): gha disan Negri da cugnom e al ha fèi ul Clöb dul Camerón. E mo, dananzi aa tirivisión, vardè ma i curan sti negrón. Ul me pá al disi: “a chi negar lì a gha curi dre tütu ul di ul león, al é par chel cha i curan inscì, anca sa i gh’han dananzi dumå ul balón”. A pensaghi pulidu, a gh’è stèi non dumå i león, ma anca i “Cristian” a curaghi a dré a sti por negrón par careghái in sü un bastimentu e fai crepá dul patimentu. E chisá in stu balón sa gha vedan den’cusé: i nosti, certu, un burdel da danè. Ma sa a vardu in fåcia sti fiö chì, döntu in da chi negar ögi lì a sentu che lüi a lu pensan inscì: “Quanti lüsi e quanta genti ! Al me paes’ gh’è propi nienti. E a tül chi fiö cha a gh’é anmó lá par pudé vidé stu mondu sbarlusentu, a daghi pesciåi pulidu a ‘n balón gha tucará; pensághi sü nanca un mumentu, e scapá igná e lasá lá i so leon e a puertá. Ma a partìa al é giá finìa. E a gh’è finì anca ul sögn da sti oman africàn. E ul me amis Negri, ch’al ghá mia da bisögn, al vendaá i maiéti verdi giá duman. (27/6/1998)
Enrico e Cristina Candiani |