UL RAGN
3^ classificata al concorso di poesia Bustocca degli Amici del 30 - anno 2005
Un santé, un prá,
'na capeleta,
e da dré,
in riva al buscu
a me caseta.
Una sìa,
un ragn, cun lena,
'l éa cumenciá a so tìa
sü a porta da cá mia;
cun calma, pascenza
e tanta cüa,
ogni dì al tesséa
a só creatüa.
Però tra trama e urdì
traversu a porta
a pudeu passá duma inscì,
cunt' a persona storta.
Incö a g' ho dì
prima d' andá via:
"O ragn, stá da partì
cha passem insema da stá porta".
A so non sa 'l ma capì,
ma a sìa
al ghea pü, ul ragn,
sü a porta da cá mia.
Fulvio Lamperti
Altre composizioni di Fulvio Lamperti
