UL CÜ DUL GALETU
Ai témpi, tanci ánn fá, candu i égénti i paegéan, alman una salmána prüma dul Natal, i capón, i ochi, i gain é i galèti, ognadögn al cupéa i só.
Ul régiù i u mazéa e a masséa la ghéa a incumbénza da peái; dopu u tachéan sü in sü i antiscüi dasua, parché dabasu i féan tia a gua e magara gh'éa 'n'cai balosu cal' stéa parti.
Ul dì daa vigilia, a masséa la tiéa giù capón, ochi, gain e galèti,ch'éan sèchi geái, parché inlua al féa frègiu darbón, e dopu ch'éan stèi vol'dì áa serèna, éan püsé düi da chi sa crompa mó in da chi siti lì düghé chi véndan a roba geáa, u purtéa giù in cá par fai ramulá e pudé urdanai.
In d'una cassina, a maséa l'éa paegiá giù in sül taul daa cá, tüta a munizion da pulé par fala rinvégnì e urdanala.
Tac'al fögu gh'éa lá ul pá Chilö, cha 'l éa ul pá dul régiù, ch'al ghéa pasa da vutant'an ma 'l éa cá anmó da có.
L'é gnü ua da mongi, é a masséa la gha dì al pá Chiló - "Pá,dèghi 'n'ögiu al taul, parché ghé turn'i gati é a uèsi nón cha ma fèsan un cai disprésiu"-,
-"Vá lá Maria"-, al fá ul pá Chilö,-"son chi mégn a cüá, pénsaghi non"-.
A Maria la va in stala, ul pá Chilö al mél'sü in sül fögu 'na brasciáa da scaron par fá 'na bèla fugáa, e al stá lì a cüá ul taul. L' é mó stèi a fiamáa di scaron, 'l é mó stèi chèl grapén cha 'l éa béü dopu disná, ul pá Chiló al sé indurmentá.
Intan'ch' al durméa, ghé gnü in cá ul Russu, cha 'l éa un gaton da chi da grané e 'l éa un ladron da chi da prima: 'l ha guardá turnu, 'l ha üstu cha l'éa bona, 'l é saltá sü in sül taul, 'l ha brancá in buca un galétu e 'l éa dré 'nda ma 'l ha fèi vua nón, parché i püi éan ligai intra da lui cont'i sciampi e al riüsiéa non a strüsai da föa; 'l ha guardá turnu, 'l ha üstu cha sa muéaa nisögn, 'l ha tacá a rüsgna, cüetu 'mé 'n bérén, e finì ul faciu, 'l é 'ndèi.
A masséa, finì da móngi, la ègn in cá cont'áa sidèla dul laci. Cand' l'ha üstu ul galètu mangiá é 'l pá Chilö indurmentá, l'ha dèi föa da matu é l'ha cuménzá a usá -"Bèl faciu ch' hu fèi a lasavi chi daparvü"-, la ragéa -"Mó mégn sa mangiu duman ??"-.
Ul pá Chiló, dirsedá d'impruisu, sül sübitu al saéa non sé dì, ma chandu 'l ha üstu ché al galétu a gha manchéa duma ul portacua, al gha fá áa spusa: -"Sa ti usi da fá, ti ti ghé bisögn nón da mangia ul cü dul galétu, parché a lénga, ti, ti li fé 'ndá istessu"-. A spusa l'ha tasü dréaman, parché l'éa üna da chi don cha sa intereséa di faci di oal, e la 'ndéa a suná ul zémbal in'di ol cassin.
I da saé ché inlua é anca mó, a Büsti, a chi don chi ripurtéan i rason ch'éan sentü in secrétu, gha diséan : -"Té mangiá ul cü dul galétu a 'nda turnu a cüntá i rason cha t'éu dì?"-.
1975 - Giovanni Bandera (ul Cangelén)
IL BOCCONE DEL PRETE
Ai tempi passati, tanti anni fa, quando i bustocchi preparavano, almeno una settimana prima della venuta del Natale, i capponi, le oche, le galline e i galli, ognuno macellava i propri.
Il capofamiglia li uccideva, e la massaia aveva l'incarico di spennarli, poi, dopo averli spennati li appendeva sulle imposte dal primo piano, perché se si fossero appesi alle imposte del piano terreno avrebbero attirato la attenzione qualche malintenzionato.
Alla vigilia, la massaia staccava dalle imposte, capponi, oche, galline e galletti, seccati dal gelo, perché allora faceva molto freddo, cosi dopo che erano rimasti otto giorni al sereno, erano più rigidi di quelli che si comprano nei negozi di surgelati, e li portava in cucina per farli scongelare e poterli sviscerarli e prepararli per la cottura.
In una cascina, la massaia aveva portato, sul tavolo della cucina, tutta la sua polleria per farla scongelare e prepararla per la cottura.
Accanto al camino c'éra il papà Achile, padre del capofamiglia, che aveva già superato gli ottanta anni, ma era ancora molto presente.
Giunta l'ora della mungitura , la massaia dice al papà Achile . “Papà, tenete d'occhio il tavolo, perché girano intorno ai gatti, e non vorrei che mi facessero qualche danno “, “ Vai tranquilla Maria sono qui io a controllare, non pensarci”.
Maria va nella stalla, papà Achille mette sul camino una fascinetta di fusti di granoturco per fare una bella fiammata e sta attento al tavolo. Sarà stato il calore della fiamma, oppure quel grappino che aveva bevuto dopo il pasto papà Achille si è addormentato.
Mentre Achille dormiva, è entrato in casa il Rosso, un gatto da granaio, che era
un ladro matricolato, sì è guardato intorno, ha visto che il momento era favorevole, è saltato sul tavolo ha azzannato un galletto, ma non riusciva a portarlo via perché era legato con le zampe agli altri polli. Giacché non si muoveva nessuno, ha cominciato a mangiare, tranquillo e soddisfatto l'appetito, se né é andato.
La massaia, finita la mungitura, rientra in casa con il secchio del latte; quando ha visto il galletto mangiucchiato e papà Achille addormentato si è arrabbiata e a cominciato a gridare: “Bell'affare ho fatto a lasciarvi qua da solo”, sbraitava, “Che cosa mangerò io domani ?”.
Papà Achille, svegliato all'improvviso, al momento è rimasto ammutolito, ma visto che al galletto mancava solo il posteriore ha detto alla nuora, “ Perché gridi, tu non hai bisogno di mangiare il boccone del prete, la lingua la usi lo stesso”. La nuora si è ammutolita, perché era una di quelle donne che s’interessavano degli affari altrui e andava intorno a spettegolare nelle altre cascine.
Dovete saper che allora , ma ancora oggi , a quelle donne che rivelavano ad altre persone le confidenze ricevute si diceva : “Hai mangiato il boccone del prete per essere andata a raccontare in giro le cose che ti avevo confidato”
Giovanni BANDERA , (Cangelén) Dicembre 1975
