FELICITA'
Mesdì:
fiancu a S. Ana
ghe ’na funtanela,
in un cügià d’ aqua
dü passaiti
i balean a tarantela.
Sprüzzi, strabüzzai da pèn
cinguetii,
sa lu spassean cuntenti
i dü creatüi.
Dopu ul baletu,
finì da giugà
in vulai a mangià.
Intantu sü a stràa,
a vita da cursa la passa
genti ca vegn,
machin ca và,
nisoeun sa ferma a guardà
pecà!
andabèn le in un cügià d’aqua
a vea felicità.
Fulvio Lamperti
Altre composizioni di Fulvio Lamperti
