Ul Paulö, pa u "anno Santu"
Al é 'ndèi a Roma. Ben, e intantu
Né, ch'al quista ul gibiléu,
al va a 'idé un chai müseu,
pa' 'ndà a dighi a chi da Büsti:
"Robi antighi? N'hu inscì vüsti !"

Na matina lü al gha disi
A na guardia: "ch'al ma disi:
'ndua 'l è ul - büsu rumanu - ?
E chel là che, casu stranu,
al ea un giùin da Galará
al gha spiega ma la ha a fá
pa 'ndá al - Foro romano - .

"Ma che 'l parla in Italiano,
parchè a Roma el so büstocch
el capissen un po' in pocch ! ".

"Ahh ! … va bèn, e grazia, nèh ! …"
E al va giù dul marciapé
Senza corgias! In chel mentri
gha và dosu un malamenti
cunt a so bici. Sto brül bogia !
Gha fa andá ul sanghi in sacógia ….

"SALIVANTE !! …. SBUCCIARAMI !!….
DANZANUDO !! …. LECCAZUCCHE !! ….
Al gha vusa in italiàn
Ul Paulö. "Ma, brül vilàn,
ta lu disu anca in büstocu:
neh, Baüscia !! … Péabrochi !!…
Balabiutu !! …. Lèpazüchi !!…