Un ragiu da sù in cüsina
Vardal chì, ul me Lalén *!
Ma a sé bel, por Balén !
Chel cha pröu men par tì
Al é trol forti, da muì !
Chan a riu cà al é già sìa
E ti me mustri u alegria.
Tüci i ölti ‘l é un surisu
E par men ‘l é ul paadisu.
Se anca ul cièl ‘l é ner o grisu,
se anca a gh’é un tempu da lù,
ma na infàla, ta lu disu:
dén da chì a gh’é ul Rasù !
Enrico (Pà Ricö) Candiani
Nota. Lalén al é ul nom ch’a
sa druéa in famiglia par scürtà “Michele”
Michele al diventa Michelén, e pö: Lalén.
Ul pà dul pà dul me pà (ch’al sarìa pö ul mè bis-nonu) al sa ciaméa propi inscì, e tüci a gha disèan:
PA’ LALEN. (10/9/1848-5/3/1930) esüs par lü !!
E prüma da lü a gha né stèi un òl, nassü in dul 1766
Ul mé piscinén al ha ciapà ul nom dul so tris-nonu.
Se i Candiàn i fésan una sumenza da Re, al sarìa:
Michele III
Ma anca sa a sem mìa di RE, al vanza istesu Michele III, anzi: LALEN Terzu
Pagina principale