Al vègn scüu

Composizione seconda classificata
al premio di poesia Bustocca del Club "Amici del 30" dell'anno 2010.

A gh’é dré finì ul mé ann
a gha tási anca i campánn;
pü nagùta insü a piána,
bandunáa al é a camána.

Al vègn scüu, al é dré a finì
anca chestu, u ültàm dì;
üsci e scüi i sèran sü,
in sül fögu, sciòchi, pü.

A gh é un ültima fiamèla,
pö - da culpu - nan pü chèla,
anmò russa al é na brása
e un balén anmò al ta bása.

Ma anca a brása a la vègn grìsa,
la vör dìti, a la ta avìsa
ch’al vègn scüu, al é dré a finì.

Oh Signùi, a som chi par Ti

Pagina principale